<<<<تابع...

موضوع: <<<<تابع... الثلاثاء يوليو 07, 2009 10:00 am

تخيل..

أبوك مايشــوف زين سواقته صباحي بس ليلي مايسوق ..
يقول مادرست ليلي !! ..

تقوم بعد صلاة الفجر غصبن عنك وانت مانمت الا قبل الفجر بدقيقة يقومك ابوك بكرعه والا ينغزك بعصاته وانت نآآآيم ووفاتحن فمك كنك بياره ( الحضري مايقومه ابوه الا ببوسه وقوم يآولدي ) وحنا يالله المستعان ..

وتقوم من النوم حالتك حاله من السهر تمشي وانت نايم تبي تدخل الحمام تغسل تلقى نفسك واقف بالمطبخ ماتدري وش الطبخه !!..

تركب السيارة جنب أبوك مغير تناظر قدام ماودك تكلمه يقال زعلان منه ..

تشغل0 السيارة وتقومها بالثالث من القهر ..

توصل للديرة وتحسب عمرك بتسدح أمها نومه لين يخلص شايبك اليوم الثاني ..

تجي والشياب متجمعين بمجلس اكثر من 30 شايب كلهم شبه بعض ..

ويطلعون عمانك ولازم تجلس معهم .. يرسلك اكبر عمانك للمحطة اللي عند المفرق تجيب له شي ..

ويعطيك سيارة ولده لأن مامعك سيارة ابوك سحب المفتاح منك يخاف تدشر بالديرة .. ت

روح لسيارة ولد عمك الرانج روفر (( ددسن غماره .. التانكي بالغماره لابغيت تعبي بنزين يمد عليك اللّي مع القزاز واللي بيركب عند التانكي لازم يتربع ..

المقاعد سست .. حوض مافيه .. الصدام مربوط بسروال ورع .. قمة الرفاهيه)) من القهر تقومها بالريوس .. ماشي طبلونها 50 .. تقص اللفات على سرعتك ..

تقعد تلف حول الشجرة خمس لفات تبي تدمرها وترجعها لهم سيكل .. ماشي وداعس كنك برالي حايل .. وتطلع عليك عنز وتلف بسرعه وطربطخ وتقلب و... (نأسف على انقطاع الصورة من المصدر ) ..

ويرجع الأرسال بعد نص ساعة وتلقى نفسك متمدد بسيارة ابوك بالمقعدة اللي ورى ومجبس بالكامل والسيارة ماشيه وفريد الأطرش شغال ( ماقالي وقلت له .. وياعوازل فلفلوا ) وابوك يسوق ويهز راسه طربآآآن وانت مصدوم ومذهول ماهوب من الحادث ولا من ( منهو جابني هنا ) لاآآ ..

مصدوم ومذهول من انه ( أبوك طلع طربي موب شعبي ) ... وزي ماقالوا بالأمثال

( سقت به ليلي .. ورجع بي نهاري )

يتبع...

موضوع: رد: <<<<تابع... الإثنين أغسطس 24, 2009 6:39 am

نـااااااايس

» >>>>> تابع...
» <<<<<< تابع .....
» <<<<< تابع...
» <<<< تابع...
» <<<<< تابع...