ودي ارجع بس !!!!

رغم الترابط والوصل حسيت في الروح إغتراب

ودي أرجع مع صفوف المدرسه وأيامها

للمدرسه وحشه لكن ماهي وحشه للكتاب

للصحبه اللي ماتناست بالفراق أصحابها

شوقي لجمعتهم كثر ماتنثره مزن السحاب

كثر حنين المغترب عن ديرته لترابها

في ظل جمعتنا مرح يميت جو الفراق

وفي شقاوتنا براءه نختفي بثيابها

ياكثر ماكنا نخالف في النظام ومانهاب

حتى قوانين الإداره ماحسبنا حسابها

عودونا نلتقي بعد الإجازه والغياب

إذا المدارس رحبت واستقبلت طلابها

والحين صار فراقنا فرقى ذهاب بلا إياب

ماعاد تجمعنا سنين المدرسه بأحبابها

أتذكر اليوم الأخير المر والفرقى عذاب

الموعد اللي ساعته من قبل كنا نهابها

ودعت كل اللي إحتوتني قلوبهم قبل الذهاب

قفيت عنهم ونثرت عيني دموع أهدابها

جبنا الشهاده وإفترقنا غصب عنا للغياب

وإنتــــــــــهت أغلى سنيين مرينا بها

فمان الذكريات اللي صداها باقي ماغاب

يالصحبه اللي ماتناست بالفراق أصحابها

صح لسـانك

ويسلمووو


ولا تحرمـنى من جديدك